Larry Chang: Poems

Itornal Ai

2004/8/19

Yu kil ai wans yu kyaahn kil ai agen
fi riili kil mi yu ha fi kil yuself
far mi a paat a yu
mi de ina yu ahn yu nuo i tu
daa we yu fier muos de pahn yu
no front a yu, no bak a yu
insaid a yu
niera dan yu han ahn fut
kluosa dan yu uona bret
yu bon mi out
yu ron mi dong
tab mi op ahn slit mi chruot
ahn stil mi de wid yu
a man ahn uman mek mi baan
so i wi alwiez go
yu kil ai ded
yu kyaahn rob mi out
yu mek aneda wan
yu siem wan
siem wie
laif tu laif evalaastin
i am eternal
batiman
wat a aad man fi ded
chi chi man, sadamait
pusi bwai, eniting
yu wahn kaal mi
mi hansa tu aal a dem
duohn tap kaal mi niem
i fi eba pahn yu tong
ina yu haat
pahn yu main
handa yu, hina yu
enda yu
frahn tek kia a yu bizniz
yu kil mi badi
yu kyaahn kil mi pirit
baan agen ina ebri iej
ebri taim, ebri plies
mi jos kom bak
siem wie
batiman
fi eba
Lo, I am with you
even to the end of the world.