Web presence of Larry Chang

Larry Chang: Poems

Iz Wat Yu Nat Sayin

First published in The Egyptian , York Castle High School Magazine, February 1966
 

Iz wa mek wen piipl go abraad
Dem afi kom bak wid axent? Laad,
A jus kyaahn stan dem. Far instans, Maad
Go a Kianada as domestik worka;
Chrii mont taim shi com de jork ar
Mout wid axent ahn twangiulieshan
So shi en op wid schrangiulieshan
Av ar vuokal kaad.

Den afta dat wi hab Big Borti
An fi him kluoz ben aalwiez dorti
An im neba nuo muo dan torti
hIngglish wod. Ihn laan som lang friez
A Flarida, dem mek mi fiil diez.
Wan die him waz de haatikiuliet,
Ihn bait ihn tong; it waz ina stiet.
Sari fi Borti.

Yu nuo Mie Broun? Shi win chrip a Spien.
Wen shi taak fieva shi ina pien
Laik se shi ron uova by chrien.
Di ruorin ridim a fi har aarz
Wuda sen mi chriet a Maarz.
Ef yu did de abraad tuu wiik a uop
Yu no put aan ierz ahn gwaan laik duop.
Dierz notin fi gien.

 

1969

Free Guestbook from Bravenet.com

BACK TO TOP | HOME | CONTACT

Creative Commons License This work is licensed under a Creative Commons Attribution-Noncommercial-Share Alike 3.0 License.