Web presence of Larry Chang

Larry Chang: Translations

SAAM 91

Chransliet frahn di Baibl, King Jiems Vorjan
1999
 
  1. Im we tan iina di siikrit plies a di Muos Ai wi lib aanda di sheda a di Almaiti.
  2. Mi wi se bout di Laad, Im a mi refiuj ahn mi faachris, mi Gad, mi wi chos ina Im.
  3. Fi sortn Ihn wi kip yu frahn di kalaban, ahn frahn di naizi pestilens.
  4. Ihn wi kiba yu wid Ihn fedadem, ahn aanda Ihn wingdem yu wi chos. Ihn chuut a go bi yu shiil ahn bokla.
  5. Yu naa fried fi di tera bai nait; naar fi di haro we flai bai die;
  6. Naar fi di pestilens we waak ina daaknis; naar fi di dischokshan we com a migl die.
  7. Wan touzn wi jrap a yu said, ahn ten touzn pahn yu rait an, bot i naa kech yu.
  8. Onggl wid yu yaidem yu wi nuotis ahn si di riwaad a di wikid.
  9. Far bikaazn yu tek di Laad, we a mi refiuj, iibn di Muos Ai, fi yu yaad.
  10. No hiivl kyaahn kech yu, niida heni plieg kom nier yu yaad.
  11. Far Ihn wi put Ihn ienjeldem in chaaj uoba yu, fi si yu chuu aal di wie.
  12. Dehn wi lif yu op ina dehn andem, enda yu frahn likop likop yu fut gens raktuon.
  13. Yu wi tep pan di layan ahn di galawas: di yong layan ahn di jragan yu wi mash wid yu fut.
  14. Bikaazn ihn set ihn lob pahn Mi, Mi wi sieb im: Mi wi set im op ai, far ihn nuo Mi niem.
  15. Ihn wi kaal Mi ahn Mi wi hansa: Mi wi de wid im ina chobl; Mi wi sieb im ahn ana im.
  16. Mi wi satisfai im wid lang laif ahn shuo im Mi salvieshan.
 

1999

Free Guestbook from Bravenet.com

BACK TO TOP | HOME | CONTACT

Creative Commons License This work is licensed under a Creative Commons Attribution-Noncommercial-Share Alike 3.0 License.